Azərbaycan Respublikasının Milli Məclisi qərara alır:

I. Azərbaycan Respublikası Mülki Məcəlləsinin (Azərbaycan Respublikasının Qanunvericilik Toplusu, 2000-ci il, № 4, (I kitab), maddə 250, № 5, maddə 323; 2002-ci il, № 12, maddə 709, 2003-cü il, № 8, maddə 420; 2004-cü il, № 3, maddə 123, № 5, maddə 318, № 6, maddə 415, № 10, maddə 761, № 11, maddə 901; 2005-ci il, № 2, maddə 61, № 6, maddə 466, № 8, maddələr 684, 692, 693, № 11, maddə 996, № 12, maddə 1085; 2006-cı il, № 2, maddə 68, № 3, maddə 225, № 5, maddə 387, № 6, maddə 478, № 8, maddə 657) 146.3-cü maddəsinə aşağıdakı məzmunda ikinci abzas əlavə edilsin:
«Məcəllənin 146.2-ci maddəsi və bu maddənin birinci abzası ipoteka kreditindən istifadə etməklə əldə olunan yaşayış sahəsinin üzərində alıcının mülkiyyət hüququ, daşınmaz əmlakın dövlət reyestrində qeydiyyata alınanadək həmin yaşayış sahəsinin alqı-satqısı və ipotekaya qoyulmasına dair qarışıq müqavilənin notariat qaydasında təsdiq edilməsi hallarına şamil edilmir.».

II. «Dövlət rüsumu haqqında» Azərbaycan Respublikasının Qanununa (Azərbaycan Respublikasının Qanunvericilik Toplusu, 2001-ci il, № 12, maddə 740; 2002-ci il, № 12, maddə 706; 2003-cü il, № 1, maddə 23, № 8, maddə 428, № 12, (I kitab), maddələr 676, 698; 2005-ci il, № 1, maddə 1, № 6, maddə 462, № 8, maddə 684, № 10, maddələr 873, 905, № 12, maddə 1083; 2006-cı il, № 3, maddələr 223, 225, № 6, maddə 481; Azərbaycan Respublikasının 2006-cı il 28 noyabr tarixli, 180-IIIQD nömrəli Qanunu) aşağıdakı məzmunda 10.4-1-ci və 10.4-2-ci maddələr əlavə edilsin:

«10.4-1. İpoteka krediti hesabına alınan yaşayış sahəsinə dair qarışıq müqavilə formasında bağlanan alqı-satqı və ipoteka müqaviləsinin təsdiqi üçün:
10.4-1.1. Bakı şəhərində—110 manat;
10.4-1.2. digər şəhər və rayonlarda—44 manat».

«10.4-2. Qanunvericiliklə nəzərdə tutulmuş güzəştli ipoteka krediti hesabına alınan yaşayış sahəsinə dair qarışıq müqavilə formasında bağlanan alqı-satqı və ipoteka müqaviləsinin təsdiqi üçün:
10.4-2.1. Bakı şəhərində—55 manat;
10.4-2.2. digər şəhər və rayonlarda—22 manat».

III. Bu qanun dərc edildiyi gündən qüvvəyə minir.

Azərbaycan Respublikasının Prezidenti
İlham ƏLİYEV
Bakı şəhəri, 1 fevral 2007-ci il
№ 234-IIIQD

«Azərbaycan» qəzetində dərc edilmişdir (21 fevral 2007-ci il, № 38) («VES Consultancy LLC»)
«Azərbaycan Respublikasının Qanunvericilik Toplusu»nda dərc edilmişdir (28 fevral 2007-ci il, № 2, maddə 80) («VES Consultancy» LLC).
© VES Consultancy LLC