10.07.2003 Meyvə-tərəvəz məhsullarının gömrük rəsmiləşdirilməsi zamanı güzəştlər verilməsi haqqında

Meyvə-tərəvəz məhsullarının gömrük rəsmiləşdirilməsi zamanı güzəştlər verilməsi haqqında 1998-ci il 21 may tarixli Sazişin müddətinin uzadılması barədə Moldova Respublikası, Ukrayna, Belarus Respublikası, Rusiya Federasiyası və Azərbaycan Respublikasının gömrük xidmətləri arasında
Protokol

Meyvə-tərəvəz məhsullarının gömrük rəsmiləşdirilməsi zamanı güzəştlər verilməsi haqqında 1998-ci il 21 may tarixli Sazişin iştirakçıları olan, bundan sonra «Tərəflər» adlandırılacaq gömrük xidmətləri,

Müstəqil Dövlətlər Birliyinin iştirakçısı olan dövlətlərin ərazilərindən meyvə-tərəvəz məhsullarının daşınması üçün maneəsiz şəraitlərin təmin edilməsi məqsədi ilə,

meyvə-tərəvəz məhsullarının gömrük rəsmiləşdirilməsi zamanı güzəştlər verilməsi haqqında 1998-ci il 21 may tarixli Sazişin müddətinin 2001-ci il 7 iyun tarixli Protokola uyğun olaraq 2003-cü il mayın 21-də bitməsini nəzərə alaraq,

aşağıdakılar barədə razılığa gəldilər:

1. Moldova Respublikası, Ukrayna, Belarus Respublikası, Rusiya Federasiyasının gömrük xidmətləri arasında meyvə-tərəvəz məhsullarının gömrük rəsmiləşdirilməsi zamanı güzəştlər verilməsi haqqında 1998-ci il 21 may tarixli Sazişin müddəti üç ilə uzadılsın.

2. Bu Protokol imzalandığı andan qüvvəyə minir.

3. Moskva şəhərində 2003-cü il iyulun 10-da beş nüsxədə imzalanmışdır, bütün mətnlər eyni hüquqi qüvvəyə malikdir.

«Azərbaycan Respublikası Ali Sovetinin məlumatı»nda dərc edilmişdir (15 sentyabr 1992-ci il, № 17(870), maddə 750) («AzerSoft»)

© AzerSoft