«QEYDƏ ALINMIŞDIR» Azərbaycan Respublikası Ədliyyə Nazirliyində Qeydiyyat № 2731 «07» dekabr 2001-ci il Nazir F.MƏMMƏDOV

«TƏSDİQ EDİLMİŞDİR» Azərbaycan Respublikası Dövlət Gömrük Komitəsi Əmr№ 108 «29» noyabr 2001-ci il Sədr K.HEYDƏROV

Bu Əsasnamə Azərbaycan Respublikası Gömrük Məcəlləsinin 134-cü maddəsinə müvafiq olaraq Azərbaycan Respublikasının gömrük qanunvericiliyinə riayət edilməsini təmin etmək məqsədilə işlənib hazırlanmışdır.

«Malların və nəqliyyat vasitələrinin gömrük müşayiəti haqqında Əsasnamə» malların, nəqliyyat vasitələrinin və onlara dair sənədlərin, eləcə də tranzit gömrük rejimi altında yerləşdirilən malların və nəqliyyat vasitələrinin Azərbaycan Respublikasının gömrük orqanları arasında gömrük nəzarəti altında gömrük müşayiəti Qaydalarmı müəyyən edir.

1. Malların, nəqliyyat vasitələrinin və onlara dair sənədlərin gömrük müşayiəti - malların, nəqliyyat vasitələrinin və onlara dair sənədlərin gömrük nəzarəti altında keçirilməsi zamanı gömrük işi haqqında Azərbaycan Respublikasının gömrük qanunvericiliyinə riayət olunması, Azərbaycan Respublikasının gömrük orqanlarının vəzifəli şəxslərinin malların, nəqliyyat vasitələrinin və onlara dair sənədlərin gömrük orqanının qərarı əsasında müşayiət olunmasının təmin edilməsindən ibarət tədbirlərdir.

Malların gömrük müşayiətini gömrük orqanlarının vəzifəli şəxsləri həyata keçirirlər.

Azərbaycan Respublikasının Beynəlxalq müqavilələrində digər hallar nəzərdə tutulmamışsa gömrük müşayiəti yalnız Azərbaycan Respublikasının gömrük ərazisində tətbiq edilir.

2. Gömrük müşayiəti zamanı malların, nəqliyyat vasitələrinin və onlara dair sənədlərin daşınması hallarında gömrük işi ilə bağlı gömrük qanunvericiliyinin təmin olunması məqsədilə digər tədbirlər (nəqliyyat vasitəsinin tələb olunan təchizat şərtindən başqa), o cümlədən gömrük ödənişlərinin ödənilməsinin təmin olunması tətbiq edilmir.

3. 3. İstisna hallarda, gömrük işi haqqında Azərbaycan Respublikası qanunvericiliyinə riayət olunmasının təmin edilməsi məqsədilə keçirilən mallara gömrük ödənişlərinin və digər tədbirlərin tətbiq edilməsi hallarında da Azərbaycan Respublikasının gömrük qanunvericiliyi, Azərbaycan Respublikasının tərəfdar çıxdığı Beynəlxalq Müqavilələri və gömrük işi haqqında Azərbaycan Respublikasının digər qanunvericilik aktlarında nəzərdə tutulmuş qaydada birbaşa gömrük müşayiəti tətbiq oluna bilər.

4. Malların gömrük müşayiəti zamanı daşıyıcı, alıcı və ya malları göndərən üçün yaranmış xərclər gömrük orqanı tərəfindən ödənilmir.

5. Bu Əsasnamədə aşağıdakı əsas anlayışlar istifadə edilmişdir:

a) gömrük müşayiət dəstəsi (GMD)- bu Əsasnaməyə əsasən malları, nəqliyyat vasitələrini və onlara dair sənədləri müşayiət edən gömrük orqanının bir və ya bir neçə vəzifəli şəxsi;

b) nəqliyyat vasitələri - malların daşınması üçün istifadə olunan istənilən vasitələr, o cümlədən:


dəniz və çay gəmiləri (barj, lixter və digər üzən vasitələr); - hava gəmiləri (o cümlədən təyyarələr, vertolyotlar və s.);

yol nəqliyyat vasitələri (o cümlədən qoşqu və yarımqoşqular);

hərəkətedən dəmiryolu qatarı (vaqonlar, sisternalar, platformalar);

tranzit mallar - tranzit gömrük rejiminə uyğun olaraq gömrük nəzarəti altında daşınan mallar;


q) müşayiət olunan mallar, nəqliyyat vasitələri və onlara dair sənədlər - gömrük müşayiəti altında daşınan mallar, nəqliyyat vasitələri və onlara dair sənədlər.

6. Müşayiət olunan mallara, nəqliyyat vasitələrinə və onlara dair sənədlərə gömrük nəzarəti gömrük işi haqqında Azərbaycan Respublikasının qanunvericiliyi və Azərbaycan Respublikasının normativ - hüquqi aktlarına uyğun olaraq həyata keçirilir.

7. Daşıyıcı malların gömrük müşayiəti ilə gömrük nəzarəti altında daşınması zamanı öz vəzifələrini yerinə yetirmədiyi hallarda Azərbaycan Respublikası qanunvericiliyinə uyğun olaraq gömrük orqanları qarşısında məsuliyyət daşıyır.


8. Azərbaycan Respublikasının gömrük orqanı aşağıdakı hallarda gömrük müşayiəti haqqında qərar qəbul edir:

Azərbaycan Respublikasının ərazisinə gətirilməsi və bu ərazidən aparılması qadağan olunmuş mallar keçirildikdə;

əgər sərhəd gömrük orqanı tərəfindən sərhəd müvəqqəti saxlanc anbarlarında mallara baxış keçirilməsi barədə qərar qəbul edilmişsə;

daşıyıcının və ya onun nəqliyyat vasitəsinin gömrük işi haqqında Azərbaycan Respublikasının qanunvericiliyinə riayət olunacağına zəmanət verə bilməməsi haqda kifayət qədər əsaslar olduğu halda;

gömrük işi haqqında Azərbaycan Respublikasının qanunvericiliyi və normativ hüquqi aktlarında nəzərdə tutulmuş digər hallarda.

9. Malların, nəqliyyat vasitələrinin və onlara dair sənədlərin Beynəlxalq Yük Daşımaları prosedurasına uyğun daşınması zamanı gömrük orqanı xüsusi hallarda yüklərin beynəlxalq daşımaları haqqında (Beynəlxalq Yük Daşımaları (BYD) kitabçası tətbiq edilməklə yüklərin beynəlxalq daşınması haqqında Gömrük Konvensiyası, 1975) Gömrük Konvensiyasının 23 maddəsinə uyğun Beynəlxalq Yük Daşımalarının kitablarından istifadə edilməklə və Azərbaycan Respublikasının gömrük işi haqqında qanunvericilik aktlarına əsasən gömrük müşayiəti haqqında qərar qəbul edir.

10. Malların, nəqliyyat vasitələrinin və onlara dair sənədlərin gömrük müşayiəti haqqında qərar qəbul edildiyi zaman aşağıdakılar da nəzərə almır:

mallar haqqında məlumatlar (mənşə ölkəsi, vergiödəmə dərəcəsi, eyniləşdirmə vasitələrinin qoyulmasının mümkünlüyü)

malın dəyəri;

daşınma marşrutu;

gömrük nəzarəti məqsədləri üçün daşıyıcı, göndərən, alıcı haqqında məlumatlar;

nəqliyyatın növü;

malların, nəqliyyat vasitələrinin və onlara dair sənədlərin gömrük orqanı tərəfindən müəyyən edilmiş yerə çatdırılmamasına səbəb olan digər faktorlar, eləcə də gömrük işi haqqında Azərbaycan Respublikasının qanunvericiliyinin və gömrük işi ilə bağlı qəbul edilmiş normativ aktların pozulması halları.

11. Gömrük müşayiəti haqqında qərar Azərbaycan Respublikası gömrük orqanının struktur bölməsinin vəzifəli şəxsinin raportu əsasında gömrük orqanının rəisi və ya onun müavini tərəfindən qəbul edilir.

12. Gömrük müşayiəti gömrük orqanının rəisinin və ya onun müavinin əmrinə əsasən təşkil olunur.

Müşayiət olunan malların, nəqliyyat vasitələrinin və onlara dair sənədlərin 50 km məsafədə və ya bir gömrük orqanının fəaliyyət bölgəsində daşınması bu Əsasnamənin 11 bəndində müəyyən edilmiş qaydada gömrük müşayiəti haqqında qərarın əsasında gömrük orqanının rəisinin əmri olmadan həyata keçirilir.

13. Gömrük müşayiəti haqda qərar müşayiət dəstəsi olan gömrük orqanının rəisi və ya onun müavini tərəfindən bu Əsasnamədə nəzərdə tutulmuş qaydada yalnız gömrük müşayiətinə görə gömrük ödənişlərinin ödənildiyi və ya təmin edildiyi haqda kifayət qədər məlumat olduğu halda qəbul edilə bilər.

14. Gömrük müşayiəti haqqında gömrük orqanının qərarı malları göndərən, alan və daşıyıcı üçün məcburidir.


15. Gömrük müşayiətini Azərbaycan Respublikasının göndərən gömrük orqanı və ya digər gömrük orqanı təşkil edə bilər. Gömrük müşayiəti göndərən gömrük orqanı deyil, digər gömrük orqanı tərəfindən o zaman təşkil oluna bilər ki, müşayiət olunan mallar, nəqliyyat vasitələri və onlara dair sənədlər bu gömrük orqanının fəaliyyət zonasında yerləşmiş olsun və ya həmin gömrük orqanı təyinat gömrük orqanı olsun. Gömrük müşayiətinin təşkil olunmasına dair məsuliyyət bu haqda qərar qəbul etmiş gömrük orqanının rəisi və ya onun müavininin üzərinə düşür.

16. Malları göndərən gömrük orqanı deyil, digər gömrük orqanı gömrük müşayiətinin təşkil olunması haqda qərar qəbul etməzdən əvvəl göndərən gömrük orqanını bu barədə məlumatlandırır, razılıq alındığı halda təyinat gömrük orqanına operativ əlaqə vasitəsi ilə xəbər verir.

17. Göndərən gömrük orqanından təyinat gömrük orqanına gömrük müşayiətini bir qayda olaraq bir gömrük müşayiət dəstəsi (GMD) həyata keçirir.

Müəyyən edilmiş marşrut üzrə malların, nəqliyyat vasitələrinin və onlara dair sənədlərin gömrük müşayiətini həyata keçirən gömrük müşayiət dəstəsinin (GMD) digər gömrük müşayiət dəstəsi ilə əvəz olunmasına ilkin müşayiəti həyata keçirən GMD-nin sonrakı müşayiətinin mümkün olmadığı və ya məqsədəmüvafiq olmadığı halda yol verilir.

18. Gömrük orqanının rəisi və ya onun müavini müşayiət üçün gömrük ödənişləri ödənildikdən və ya bu ödənişin təmin olunmasını təsdiq edən sənədlər təqdim olunduqdan sonra gömrük müşayiəti haqqında qərar qəbul edir və ya tələb olunduqda əmr verildikdən 1 gündən gec olmamaq şərtilə gömrük müşayiəti təşkil olunmalıdır.

19. Gömrük müşayiət dəstəsi daşıyıcının, eləcə də gömrük orqanının nəqliyyat vasitələrində gömrük müşayiətini həyata keçirə bilər.

20. Gömrük müşayiəti haqqında qərar qəbul edildikdən sonra müvafiq raportun üstü gömrük orqanının rəisi və ya onun müavini tərəfindən yazılmaqla bu müşayiət barədə əmr hazırlanması, sənədlərin toplanması və gömrük müşayiət dəstəsinin yaradılması üçün gömrük orqanının aidiyyatı struktur bölmələrinə göndərilir.

21. Struktur gömrük orqanının rəisi aşağıdakıları həyata keçirir:

daşınan malların sayı, növü, daşınma xüsusiyyətləri, xarakteri və digər hallardan asılı olaraq gömrük müşayiət dəstəsinin (GMD) tərkibini təyin edir;

gömrük müşayiət dəstəsində iştirak edən əməkdaşların sayı 1 nəfərdən artıq olduqda bu müşayiət dəstəsinin başçısını təyin edir;

GMD-nin silah və sursatla təmin olunması, o cümlədən nəqliyyat vasitəsi və rabitə əlaqəsi ilə təchiz olunması barədə qərar qəbul edir (zəruri hallarda);

GMD-nin hərəkət marşrutunu, malların, nəqliyyat vasitələrinin və onlara dair sənədlərin təyinat yerinə çatdırıldığı zaman qəbul edilməsi üçün vaxt və yer təyin edir;

GMD-nin vəzifəli şəxslərini gömrük müşayiəti qaydaları, eləcə də onların hüquq və vəzifələri barədə və malların gömrük müşayiəti zamanı təhlükəsizlik tədbirləri barədə təlimatlandırır;

gömrük müşayiət dəstəsi malların gömrük müşayiəti zamanı gömrük müşayiətini təşkil etmiş gömrük orqanı ilə və hərəkət zamanı

yaxınlıqda olan gömrük orqanları ilə əlaqə saxlamaq qaydaları ilə təlimatlandırılır;

GMD-nin başçısına bütün lazımi sənədləri təqdim edir.

22. Əmrdə aşağıdakılar qeyd olunmalıdır:

GMD-nin tərkibi və dəstənin rəhbərinin adı, soyadı, atasının adı; hərəkət marşrutu;

silahın sayı barədə məlumat (onun tipi, sayı, nömrəsi, sursatın sayı);

digər lazımi məlumatlar.

23. GMD gömrük müşayiətini həyata keçirmək üçün aşağıdakı sənədlərlə təmin olunmalıdır:

qəza və ya qarşısıalınmaz qüvvənin təsirinə dair aktın blankları (malların tranzit gömrük rejimi haqqında Əsasnamə 29.04.1999- cu il tarixli, 031 saylı Əmr);

gömrük müşayiətini təşkil edən gömrük orqanı tərəfindən gerbli möhürlə təsdiq edilmiş ezamiyyə vərəqələri;

geyim ləvazimatları və xüsusi vasitələr.

24. Göndərən gömrük orqanının vəzifəli şəxsi malları, nəqliyyat vasitələrini və onlara dair sənədləri müvafiq qaydada tərtib edir.

25. Müşayiət olunan malların və nəqliyyat vasitələrinin rəsmiləşdirilməsi zamanı göndərən gömrük orqanının vəzifəli şəxsi tranzit gömrük bəyannaməsinin bütün nüsxələrində və ya malların çatdırılmasına dair tərtib olunmuş daşınma cədvəlində və ya BYD kitabçasının kəsilən vərəqində, o cümlədən gömrük nəzarəti və gömrük məqsədləri üçün tələb olunan digər sənədlərdə (nəqliyyat, mal müşayiət sənədləri və s.)
Gömrük müşaiyyəti haqqında müvafiq qeydiyyat aparır.

Tranzit malların daşınması zamanı qeydiyyat tranzit bəyannaməsinin «D» qrafasında aparılır, gömrük müşaiyyətinin təşkilinə dair əmrin nömrəsi isə tranzit bəyannaməsinin 52-ci qrafasında qeyd olunur.

Malların Azərbaycan Respublikasına gömrük nəzarəti altında çatdırılması zamanı gömrük müşaiyyəti haqqında qeyd göndərən gömrük orqanı tərəfindən tərtib edilən «Daşınma cədvəllərində» aparılır və gömrük müşaiyyətinin təşkil olunması haqqında əmrin nömrəsi göstərilir.

BYD prosedurası tətbiq edilməklə malların daşınması zamanı BYD kitabçalarının kəsilən 1-ci və 2-ci vərəqələrində qeydiyyat aparılır və gömrük müşaiyyətinin təşkil olunması haqqında əmrin nömrəsi göstərilir.

26. Müşayiət olunan mallar, nəqliyyat vasitələri və onlara dair sənədlər rəsmiləşdirildikdən sonra göndərən gömrük orqanının vəzifəli şəxsi aşağıdakıları həyata keçirir:

gömrük müşayiətinə aid malların, nəqliyyat vasitələrinin və onlara dair sənədlərin təhvil-təslim edilməsi haqda (hər mal partiyası üçün tranzit bəyannaməsi, «Daşınma cədvəli» BYD kitabçası) 3 nüsxədən ibarət akt tərtib edir və şəxsi nömrəli möhürü və imzası ilə təsdiq edir, həmin nüsxələrin hər birində gömrük müşayiət dəstəsinin (GMD) rəhbərinə imza etdirir.

Gömrük müşayiət dəstəsinin (GMD) rəhbərinə müvafiq olaraq tranzit yük gömrük bəyannaməsinin 2-ci və 3-cü nüsxələrini, «Daşınma cədvəli»nin nüsxəsini, BYD kitabçası bu Qaydaların 25-ci bəndinə əsasən mallara dair rəsmiləşdirilmiş gömrük məqsədləri üçün sənədləri, təhvil-təslim aktının 2-ci və 3-cü nüsxələri təqdim olunur; təhvil- təslim aktının 1-ci nüsxəsi və əmr göndərən gömrük orqanında qalır.

27. Mallar və nəqliyyat vasitələri təyinat yerinə, gömrük müşayiət dəstəsinin əvəz olunacağı yerə, yaxud fəaliyyət zonasında GMD-nin dəyişdiriləcəyi yer olan gömrük orqanına çatdırıldığı zaman gömrük nəzarət zonasında yerləşdirilməlidir.

Təyinat yerinə çatdıqdan sonra GMD-nin rəhbəri nəqliyyat vasitələrini və onlara dair sənədləri, müşayiət olunan mallara dair sənədləri təyinat gömrük orqanının vəzifəli şəxsinə təhvil verir, həmin gömrük orqanının vəzifəli şəxsi ilə birlikdə nəqliyyat vasitələrinə tətbiq edilmiş eyniləşdirmə vasitələrini və yükləmə yerlərini yoxlayırlar.

Mal və nəqliyyat vasitələrində eyniləşdirilmə vasitələri zədələndikdə və ya yükləmə yerlərində yerləşdirilən mallara toxunulma hallarında, və ya sənədlər itirildikdə GMD-nin iştirakı ilə həmin mallara baxış keçirilir və bu barədə akt tərtib olunur.

Baxış keçirildiyi halda həmin baxış aktının bir nüsxəsi GMD-nin rəhbərinə təqdim olunur.

28. Fəaliyyət zonasında GMD-nin gəldiyi yer olan gömrük orqanının vəzifəli şəxsi və GMD-nin rəhbəri mal və nəqliyyat vasitələri və onlara dair sənədlərin təhvil-təslim edilməsi haqda aktın 2-ci və 3-cü nüsxələrində müvafiq qeydlər edirlər.

Təhvil - təslim aktının 2-ci nüsxəsi təyinat gömrük orqanında saxlanılır.

Təhvil - təslim aktının 3-cü nüsxəsi gömrük müşayiəti haqda əmr vermiş gömrük orqanına qaytarmaq üçün GMD-yə verilir.


29. GMD-nin tərkibinə daxil olan vəzifəli şəxslər gömrük qanunvericiliyini, malların tranzit gömrük rejimi və gömrük nəzarəti altında çatdırılmasına dair Azərbaycan Respublikasının normativ aktlarında müəyyən edilmiş qaydaları bilməlidirlər.

GMD-nin rəhbəri dəstə üzvlərinin üzərinə düşən vəzifə borclarının icra olunmasını təmin etməlidir.

GMD-nin tərkibinə daxil olan vəzifəli şəxslər öz vəzifə borclarmı yerinə yetirmədikdə Azərbaycan Respublikasının qanunvericiliyi ilə məsuliyyət daşıyırlar.

30. GMD malların, nəqliyyat vasitələrinin və onlara dair sənədlərin gömrük nəzarəti altında normal şəraitdə daşınma və saxlanc itkiləri istisna olunmaqla, göndərən gömrük orqanı tərəfindən müəyyən edilmiş müddətdə dəyişilməz halda təyinat gömrük orqanına çatdırılmasını təmin etməlidir.

GMD mövcud Qaydaların və Azərbaycan Respublikasının digər qanunvericilik aktlarına əsasən öz vəzifələrini yerinə yetirməlidirlər.

31. GMD-nin başçısı aşağıdakıları yerinə yetirməlidir:

daşıyıcını və ya daşıyıcının işçilərini gömrük müşayiəti qaydaları, gömrük müşayiəti zamanı onların hüquq və vəzifələri barədə tanış

etməli;

müəyyən olunmuş marşrut üzrə malların daşınması xüsusiyyətlərini öyrənmək, hərəkət zamanı qarşıya çıxa biləcək halları proqnozlaşdırmaq və gözlənilməz hallarda gömrük müşayiət dəstəsinin hərəkət qaydalarmı müəyyən etməli;

GMD-nə daxil olan vəzifəli şəxslərin tutacaqları yerləri və onlar arasında əlaqə saxlanması qaydalarmı müəyyənləşdirməli;

GMD-nin geyimini və əlaqə yaradılması üçün xüsusi vasitələrlə təchiz olunmasını təmin etməli;

gömrük müşayiəti zamanı təhlükəsizlik tədbirlərini təmin etməlidir.

32. Gömrük müşayiət dəstəsi gömrük müşayiəti zamanı aşağıdakıları həyata keçirməlidir:

müşayiət olunan mallara, nəqliyyat vasitələrinə və onlara dair sənədlərə nəzarət etməli;

dayanacaqlarda nəqliyyat vasitələrinin yükləmə yerlərinə vurulmuş eyniləşdirmə vasitələri - möhür və plomblar, eləcə də digər eyniləşdirmə vasitələri yoxlanılmalı və nəqliyyat vasitələrinin ətrafında kənar şəxslərin yaxma buraxılmaması üçün növbətçilik yaradılmalı;

mümkün rabitə əlaqəsi vasitəsilə GMD-nin başçısı ilə daim əlaqə saxlamalı;

müşayiət olunan nəqliyyat vasitələrinin sırasına 3-cü şəxsin daxil olmasına yol verməməli;

qəza və ya qarşısıalınmaz qüvvənin təsiri nəticəsində yaranmış vəziyyəti aradan qaldırmaq məqsədilə daşıyıcıya onun vəzifələri daxilində köməklik etməli;

təhlükəsizlik tədbirlərinə ciddi riayət etməli.

33. Gömrük müşayiəti zamanı malların məhv olma, onlara dair sənədlərin itirilməsi təhlükəsi yarandıqda GMD onların saxlanılmasının təmin olunması üçün onlardan asılı olan bütün mümkün vasitələrdən istifadə etməlidirlər.

34. Malların gömrük müşayiəti zamanı GMD Azərbaycan Respublikası Gömrük Məcəlləsinin 417, 419 və 420-ci maddələrinə əsasən odlu silah, xüsusi vasitələr və fiziki qüvvə tətbiq edə bilər.


35. Avtomobil nəqliyyatı vasitəsilə daşman malların gömrük müşayiəti zamanı:

bir GMD daşınmanın xüsusiyyətlərindən və xarakterindən asılı olaraq 10-dan çox olmayan avtonəqliyyat vasitələrini müşayiət edə

bilər;

GMD müşayiət olunan avtonəqliyyat vasitələrinin önündə gedən nəqliyyat vasitəsində yerləşməlidir;

dayanmalar zamanı GMD nəqliyyat vasitələrinin hər iki tərəfinə nəzarət etməlidir.

Qəza və ya qarşısıalınmaz qüvvənin təsiri nəticəsində nəqliyyat vasitələrindən biri nasaz vəziyyətə düşmüşsə (bu nasazlığın qısa müddət ərzində yerindəcə aradan qaldırılması mümkün deyilsə), GMD fəaliyyət zonasında belə bir hal baş vermiş gömrük orqanına bu barədə məlumat verir. Gömrük orqanı qısa müddət ərzində müşayiət olunan mallara gömrük nəzarətinin təmin olunması ilə bağlı tədbirlər görür. Nəqliyyat karvanının qalan avtomaşınları müraciət olunan gömrük orqanı tərəfindən gömrük nəzarəti təmin olunduqdan sonra müəyyən edilmiş marşrut üzrə öz yoluna davam edə bilər. Hadisə ilə bağlı akt tərtib olunur və orada həmin hadisənin baş verməsi, malların vəziyyəti və sonrakı gömrük rəsmiləşdirilməsi və gömrük nəzarəti ilə bağlı digər məlumatlar göstərilir. Akt GMD-nin başçısı və qeyd olunan gömrük orqanının vəzifəli şəxsi tərəfindən imzalanır.

Əgər yaranmış nasazlıq qısa müddətdə aradan qaldırıla bilərsə, avtonəqliyyat karvanı həmin nasazlıq aradan qaldırılanadək saxlanılır.

Əgər malların, nəqliyyat vasitələrinin və onlara dair sənədlərin gömrük müşayiəti daşıyıcının nəqliyyat vasitəsində həyata keçirilirsə, bu zaman nəqliyyat vasitəsinin kabinasında GMD-nin əməkdaşından başqa yalnız sürücülər yerləşə bilərlər.

36. Müşayiət olunan malların dəmir yolu vasitəsilə daşınması zamanı:

bir GMD bir dəmir yolu qatarı ilə daşman malları müşayiət edə bilər;

daşıyıcı müşayiət olunan malların vaqonlarda ardıcıl şəkildə yerləşdirilməsini təmin edir;

qatarın hərəkəti zamanı GMD daşıyıcı tərəfindən təmin olunmuş sanitar normalara uyğun yerdə yerləşdirilir;

GMD elə yerləşdirilməlidir ki, dayanacaqlarda GMD dəmir yolda təhlükəsizlik tədbirlərinə riayət etməklə qatarın hər iki tərəfinə

nəzarət edə bilsin.

37. Dəniz gəmiləri ilə daşınan malların gömrük müşayiəti zamanı:

bir GMD yalnız bir nəqliyyat vasitəsini müşayidə edə bilər;

GMD gəminin yaşayış üçün təchiz olunmuş otaqlarında yerləşdirilir;

dayanacaqlarda GMD yüklərin yerləşdiyi yerlərə nəzarət etmək imkanı verən yerlərdə yerləşdirilir;

gəmilərin sahilə, digər gəmilərə yan alması, yükləmə-boşaldılma işləri yalnız GMD-nin başçısının icazəsi əsasında həyata keçirilir.

38. Hava Nəqliyyatı vasitəsilə daşman malların gömrük müşayiəti zamanı:

bir müşayiət dəstəsi yalnız bir hava gəmisini müşayiət edə bilər;

GMD uçuş zamanı salonlarda, aeroportda isə hava gəmisinin yanında yerləşdirilir.

---

Azərbaycan Respublikası Mərkəzi İcra Hakimiyyəti Orqanlarının Normativ Aktlarının Bülleteni, 2001-ci il, № 12 («VneshExpertService»)

© VneshExpertService