1. İdeal tranzit mühitinin yaradılması məqsədi ilə mövcud nəqliyyat dəhlizi  üzrə hərəkət edən nəqliyyat vasitələrinə yeni müasir  nəzarət formalarının tətbiq edilməsi;
2. rəsmiləşdirmə proseduralarının operativliyinin təmin olunması;
3. sərhədlərdə aidiyyəti qurumların fəaliyyətinin koordinasiya edilməsi və bu fəaliyyətin birdayanacaqlı prinsip əsasında həyata keçirilməsi  istiqamətində səy göstərir;
4. dünya səviyyəsində baş verən dəyişikliklər və tendensiyalar əsasında  normativ hüquqi bazanın   təkmilləşdirilməsinin davam etdirilməsi;
5. gömrük qaydaları haqqında tranzit iştirakçılarının məlumatlandırılması, məlumat köşklərinin, stendlərin quraşdırılması;
6. gömrük orqanlarında şəffaflığın təmin edilməsi məqsədi ilə müvafiq

tədbirlərin davam etdirilməsi;

1. sərhəd keçid məntəqələrində infrastrukturun müasirləşdirilməsi və

buraxılış qabiliyyətinin artırılması;

1. məlumatların işlənməsinin və rəsmiləşdirilməsinin avtomatlaşdırılmış qaydada aparılması;
2. riskin idarə edilməsi və seçmə əsasında gömrük yoxlamasının həyata keçirilməsi;
3. beynəlxalq praktikada mövcud olan proseduralar və  hökumətlər arası beynəlxalq təşkilatların harmonizə olunmuş nəzarətə dair tövsiyələrindən istifadə olunması;
4. qonşu dövlətlər ilə gömrük işi sahəsində işgüzar əməkdaşlığın inkişaf etdirilməsi;
5. gömrük orqanlarının sutkalıq iş prinsipinə keçidi üzrə tədbirlərin keçirilməsi;
6. qonşu dövlətlərlə sərhəd gömrük orqanlarının iş vaxtının uyğunlaşdırılması və bu vaxtın 24 saat müəyyən olunması üzrə təşəbbüslərin göstərilməsi;
7. beynəlxalq  ticarət zəncirində təhlükəsizliyin təmin olunması üzrə tədbirlərin həyata keçirilməsi;
8. qaçaqmalçılığa qarşı mübarizə sahəsində tədbirlərin gücləndirilməsi və qonşu dövlətlərin gömrük xidmətləri ilə hüquq mühafizə fəaliyyəti sahəsində birgə tədbirlərin keçirilməsi üzrə təşəbbüslərin göstərilməsi;
9. müasir informasiya texnologiyalarının geniş tətbiqi. 

Qeyd olunan tədbirlərin tam formada tətbiqi planlaşdırılır və bunun üçün ilkin normativlər müəyyən olunur. İlkin texniki tapşırıqların nəticəsində hazırlanan layihələr əsasında tədbirlərin həyata keçirilməsi nəzərdə tutulur. Bununla da ideal tranzit üçün əlverişli şərait yaradan qonşu dövlətlərin gömrük keçid məntəqələrinin iş vaxtında razılaşdırılmış formada həyata keçirilməsi və bu vaxtın bütün 24 saatı əhatə etməsi vacibdir.
Bununla əlaqədar qonşu dövlətlərin sərhəd keçid məntəqələrinin fəaliyyət vaxtı razılaşdırılır, nəticə olaraq tranzit daşımalarının günün istənilən vaxtında həyata keçirilməsinə şərait yaradılır, növbə və tıxacların yaranmasının qarşısı alınır. Beləliklə də sərhəd keçid məntəqələrinin planlı şəkildə idarə edilməsi işinə bu şərtlər öz müsbət təsirini göstərir.