«Dövlət qeydiyyatına alınmışdır»
Azərbaycan Respublikasının Ədliyyə Nazirliyi
Qeydiyyat № 3116
«28» fevral 2005-ci il
Nazir F.F.MƏMMƏDOV |
«Təsdiq edirəm»
Azərbaycan Respublikasının
Dövlət Gömrük Komitəsi
Əmr № 022
«22» fevral 2005-ci il
Sədr K. HEYDƏROV |
«Azərbaycan Respublikası Dövlət Gömrük Komitəsində bankların və digər kredit təşkilatlarının reyestrə salınma haqqında müraciətlərinə baxılması Qaydaları»na dəyişikliklər
Azərbaycan Respublikası Dövlət Gömrük Komitəsinin 25.12.1997-ci il tarixli 1103 №-li əmri ilə təsdiq edilmiş və Azərbaycan Respublikası Ədliyyə Nazirliyində 08 yanvar 1998-ci il tarixdə, 87 №-li şəhadətnamə verilməklə dövlət qeydiyyatına alınmış «Azərbaycan Respublikası Dövlət Gömrük Komitəsində bankların və digər kredit təşkilatlarının reyestrə salınma haqqında müraciətlərinə baxılması Qaydaları»na aşağıdakı dəyişikliklər edilsin:
1. 4.5-ci bənd aşağıdakı məzmunda verilsin:
«Gömrük ödənişlərinə bütövlükdə verilən zəmanətlərin maksimal həddi kredit təşkilatının faktiki ödənilmiş nizamnamə kapitalı Milli Bankın banklar üçün müəyyən etdiyi minimum nizamnamə kapitalından:
a) 2 dəfə çox olduqda—2,0 mln. ABŞ dollarına
b) 1,5 dəfə çox olduqda—1,0 mln. ABŞ dollarına
c) 1,0 dəfə çox olduqda—0,5 mln. ABŞ dollarına ekvivalent məbləğdə müəyyən edilir»
2. 4.6-cı bənd aşağıdakı məzmunda verilsin;
«Gömrük ödənişlərinə kredit təşkilatlarının (filialları ilə birlikdə) xidmət etdikləri müştərilərinə verdiyi bir zəmanət öhdəliyinin maksimal həddi minimum nizamnamə kapitalından:
a) 2 dəfə çox olduqda—1,0 mln. ABŞ dollarına ekvivalent məbləğdə
b) 1,5 dəfə çox olduqda—500,0 min ABŞ dollarına ekvivalent məbləğdə
c) 1,0 dəfə çox olduqda—250,0 min ABŞ dollarına ekvivalent məbləğdə müəyyən edilir».
© VneshExpertService
RSS | XƏBƏRLƏR | ŞƏKİLLƏR | QANUNVERİCİLİK | SUALLAR VƏ CAVABLAR