«QEYDƏ ALINMIŞDIR» Azərbaycan Respublikası Ədliyyə Nazirliyində Qeydiyyat № 2719 «05» noyabr 2001-ci il Nazir F.MƏMMƏDOV

«TƏSDİQ EDİLMİŞDİR« Azərbaycan Respublikası Dövlət Gömrük Komitəsi Əmr № 099 «30» oktyabr 2001-ci il Sədr K.HEYDƏROV

Azərbaycan Respublikası Dövlət Gömrük Komitəsi sədrinin 24 iyul 1998-ci il tarixli 033 nömrəli əmri ilə təsdiq edilmiş və Azərbaycan Respublikası Ədliyyə Nazirliyində 30 iyul 1998-ci il tarixdə 120-ci nömrə ilə qeydiyyata alınmış «Rüsumsuz ticarət mağazasının fəaliyyətinin tənzimlənməsi haqqında» Qaydalarda aşağıdakı dəyişiklər edilsin:

1-ci bəndinin 1.6. yarımbəndi aşağıdakı redaksiyada verilsin:


«1.6. RTM-dən alınan malların gömrük sərhədindən keçirilməsi gömrük qanunvericiliyinə əsasən tənzimlənir».


2-ci bəndin 2.4. yarımbəndi aşağıdakı redaksiyada verilsin:


«2.4. RTM-in satış zalları elə şəkildə yerləşməlidir ki, Azərbaycan Respublikasının gömrük sərhədini keçən şəxslərdən başqa digər kənar şəxslərin həmin zallara daxil olması mümkün olmasın»


3.3-cü bəndinin d və e hissələri mətndən çıxarılsın.

4-cü bəndin 4.1., 4.3. və 4.10. yarımbəndləri müvafiq olaraq aşağıdakı redaksiyada verilsin:

«4.1. Rüsumsuz ticarət mağazaları RTM gömrük rejimi altında yerləşdirilmiş malların yalnız Azərbaycan Respublikası gömrük sərhədindən keçən fiziki şəxslər üçün pərakəndə satışını həyata keçirirlər».

4.3. Malların RTM-də satışı üçün kvotaların müəyyən olunmasına yol verilir.

«4.10. Malların RTM-dən alınması haqda həmin mağazanın işçiləri tərəfindən müvafiq qeydlər aparılır».

---

Azərbaycan Respublikası Mərkəzi İcra Hakimiyyəti Orqanlarının Normativ Aktlarının Bülleteni, 2001-ci il, № 11, s.3 («VneshExpertService»)©