Xalqımızın ümummilli lideri, müstəqil dövlətimizin memarı və qurucusu Heydər Əliyevin anadan olmasının 86-cı ildönümü münasibətilə Dövlət Gömrük Komitəsinin kollektivi bir sıra abadlıq və yaşıllaşdırma işləri həyata keçirmişdir.

Azərbaycan Respublikasının Prezidenti İlham Əliyevin sədrliyi ilə bu günlərdə Nazirlər Kabinetinin 2009-cu ilin birinci rübünün sosial-iqtisadi inkişafının yekunlarına həsr olunmuş iclasında dövlətimizin başçısının ekoloji tarazlığın təmin edilməsi istiqamətində qarşıya qoyduğu vəzifələrin yerinə yetirilməsi məqsədilə mayın 9-da Dövlət Gömrük Komitəsinin rəhbərliyi, eləcə də mərkəzi aparatın və yerli strukturların əməkdaşları Bakının Maştağa qəsəbəsində yerləşən Ümumdünya Gömrük Təşkilatının Regional Tədris Mərkəzinin və Kinoloji Mərkəzin qarşısındakı boş ərazilərdə abadlıq işləri aparmış, 600-dən çox şam və dekorativ ağaclar əkmiş, həmçinin əvvəllər bu ərazilərdə əkilən ağaclara qulluq göstərmişlər.