Azərbaycan Respublikasının Nazirlər Kabineti

Azərbaycan Respublikası Nazirlər Kabinetinin bəzi qərarlarına əlavələr edilməsi barədə
Qərar № 31

Bakı şəhəri, 1 fevral 2006-cı il

Azərbaycan Respublikası Prezidentinin 2004-cü il 30 iyun tarixli, 291 nömrəli Sərəncamı ilə təsdiq edilmiş «Azərbaycan Respublikasında polis orqanlarının fəaliyyətinin təkmilləşdirilməsinə dair Dövlət Proqramı»na uyğun olaraq daxili işlər orqanlarının maddi-texniki təchizatının yaxşılaşdırılması məqsədi ilə, həmçinin Azərbaycan Respublikası İqtisadi İnkişaf Nazirliyinin, Maliyyə Nazirliyinin və Dövlət Gömrük Komitəsinin təkliflərini nəzərə alaraq, Azərbaycan Respublikasının Nazirlər Kabineti qərara alır:

1. «Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında» Azərbaycan Respublikası Nazirlər Kabinetinin 1998-ci il 22 aprel tarixli, 91 nömrəli qərarının 4.7-ci yarımbəndində «əl-barmaq izlərinin» sözlərindən sonra «, güllə və gilizlər üzərindəki izlərin» sözləri əlavə edilsin.

2. «Azərbaycan Respublikasının ərazisinə gətirilən, əlavə dəyər vergisindən azad olunan malların siyahısı haqqında» Azərbaycan Respublikası Nazirlər Kabinetinin 2005-ci il 31 yanvar tarixli, 11 nömrəli qərarının 1.7-ci yarımbəndində «əl-barmaq izlərinin» sözlərindən sonra «, güllə və gilizlər üzərindəki izlərin» sözləri əlavə edilsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri
A. RASİ-ZADƏ

© VneshExpertService