Gömrük orqanlarında xidmətə qəbul hansı qaydada keçirilir?
Dövlət Gömrük Komitəsində xidmətə qəbul hansı qaydada keçirilir?
-- Dövlət Gömrük Komitəsində xidmətə qəbul müsabiqə əsasında həyata keçirilir. Müsabiqədə iştirak etmək istəyən vətəndaşlar Komitə Sədrinin adına ünvanlandırılmış müvafiq ərizəni, eyni zamanda müvafiq ali təhsil haqqında diplom, şəxsiyyət vəsiqəsinin, kişilər isə həmçinin hərbi biletin sürətlərini Dövlət Gömrük Komitəsinə təqdim edirlər.
Qanunvericiliklə müəyyən olunmuş şərtlərə cavab verən namizədlər müsabiqəyə buraxılırlar. Müsabiqə test imtahanından və şifahi müsahibədən ibarətdir. İmtahanda mümkün olan baldan ən azı 80%-ni toplayan namizəd imtahanı müvəffəqiyyətlə vermiş hesab edilir. Həmin namizəd növbəti mərhələyə - müsahibəyə buraxılır.
Test imtahanından və müsahibədən müvəffəqiyyətlə keçmiş şəxslər Komitənin ehtiyat kadrı kimi saxlanılır.